Dərdi verən Allah dərman vermədi

Naəlac qalmışam, dadıma sən gəl..

Xoşbətlik gen gəzdi mənə gəlmədi

Bəxtimdən küsgünəm, payıma sən gəl.

 ***

İtirdim gülümü, görən kim dərdi?

Kimə söyləyim mən bu ağır dərdi,

İnan ki hər kəsim, gəldi-gedərdi

Ölsəm ağlamağa qəbrimə sən gəl

  ***

Gözümdən yaşlarım bir-bir axanda

Qəmlənib kənarda tənha qalanda

Gecələr yanımda biri yatanda

Nolar heç olmasa yuxuma sən gəl.

  ***

Sənsiz yaşayacam, sənsiz qalacam

Hərdən dostlarından səni soracam.

Qocalsam keçmişdən söhbət salacam

Bax onda yenə də yadıma sən gəl.

Eşitsən xəstəyəm, yanıma sən gəl…