Mənim də var

yaşamaqçün səbəblərim.

Doğulmuşam bu dünyada,

nə fərqi var istədim, ya istəmədim,

verilibdir bir yol mənə,

yeridim, ya yerimədim.

Mənim də var ölüm qorxum.

Bu səbəbdən heç bir zaman

çəkəmmirəm öz ipimi

çagırmıram əcəlimi.

Dünya şirin,canım şirin

üzəmmirəm bu həyatdan mən əlimi.

Mənim də var nakam qalan arzularım,

heç birinə çatmamışam.

boğazımda düyün olan

cümlələrim, kəlamlarım.

xoşbəxtliyin qanadıyla

uçmamışam.

Mənim də var yarım qalan məhəbbətim

gecələrcə xəyal qurub

düşünmüşəm mən yarımı.

şam olmuşam,

guya məndə ərimişəm, ağlamışam

sızlamışam eşqim üçün…

sonda məndə öz eşqimi unutmuşam.

Mənim də var

söylədiyim ayaq tutub yeriməyən

neçə-neçə yalanlarım.

Mənim də var

Üzdə gülən tanışlarım, sirdaşlarım

yeri gəlsə kürəyimdən vurub qaçan can dostlarım

mən insanam

günahlarım, xətalarım mənim də var…