Çətin deyil…

İnan mənə çətin deyil.

Sadəcə əlini ver və gedək buralardan.

Yum gözlərini, heç açma

Görmə bu dünyanın qışqıran və ağlayan insanlarını

Görmə ümidsiz baxan gözləri

və görmə mənim də qorxduğumu..

Eşitmə nəfəsimin səsini

Hiss etmə titrəyişlərimi

Təslim et duyğularını, arzularını bu dünyaya

Qaytar bütün aldıqlarını

Qaytar əlində sənin olmayan hər şeyi…

Bir ümid saxla ürəyində və bir də sevgi..

Bu diyarın tutqun rənglərini unut

Bəyazı sev..

Bəyazı axtar… Onu arzula..

Qanad açarkən boşluqlara

ruhunu azad burax…

Çətin deyil qurtulmaq..

Çətin olmamalı idi xoşbəxtlik

Və çətin olmamalı idi yaşamaq….

Sadəcə əlini ver….

Və gedək buralardan…

Qorxma..

Çünki mən səninləyəm…