Ey qafil, sən hardan biləsən axı

Gecəmi gündüzə tay eyləmişəm.

Həsrəti köksümə basıb gizlicə

Bəxtimə qaranı pay eyləmişəm..

İçdiyim şərbət də zəhərə dönüb.

Günəşim qaralıb, işığım sönüb.

Gəncliyim yox olub, belim bükülüb

Sinəmə dərdləri yük eyləmişəm…

Ay ellər, gətirin bəyaz kəfəni..

Daşıyın çiyində cansız bədəni

Bir ağı söyləyin ağlayın məni

Ki, dərdi, azarı necə çəkmişəm?

Necə ürəyimi qan eyləmişəm?