Bir neçə il əvvələ qədər film izləməkdən həzz almırdım. Lakin vaxt keçdikcə hobbilərim sırasında film izləmək daxil oldu.
Bu günkü yazımda istəyirəm baxdığım və daha doğrusu baxarkən həzz aldığım filmləri bir araya toplayım. Çox uzun bir siyahı ilə yormaq istəmirəm kimsəni. Son bir neçə ayda izlədiyim maraqlı filmləri bir yerə topladım. Kiməsə maraqlı gəlsə izləyə bilər. Məsləhətli filmlərdi 🙂
Əvvəlcədən qeyd edim ki, mən qorxu və dram janrında olan filmlərini sevirəm. Odur ki, maraqlı siyahı olduğuna inanıram 🙂
Snowpiercer(2013) – İMDB: 7.0Baş rollar (Chris Evans, Allison Pill, Jamie Bell, John Hurt, Tilda Swinton, Ed Harris və s.)23 mükafat sahibi olan bu film 2031-ci ildə qlobal istiləşmənin qarşısını almaq məqsədi ilə aparılmış bir təcrübənin səhv olması nəticəsində dünyanın buzlaşmasını canlandırıb. Filmdə bu fəlakətdən xilas olan insanlar qatarda bir yerdə yaşamağa məhkumdurlar. Sonra nə olacaq özünüz baxın 🙂
Southpaw (2015) – İMDB: 7.8Baş rollar (Rachel McAdams, Jake Gyllenhaal, Naomie Harris, 50 Cent, Forest Whitaker və s.)Filmdə kariyerasının zirvələrini yaşayan boksçudan söhbət gedir. Sevdiyi insanı itirən baş qəhrəman həyatının mənasını itirir və özünü içkiyə təslim edir. Övladının əlindən alınması ilə yenidən həyata bağlanan Billy Hope qarşısına hədəflər qoyur. Maraqlı filmdi..İzləməyə dəyər..
Spare Parts (2015) – İMDB: 7.2Baş rollar (George Lopez, Jamie Lee Curtis, Carlos PenaVega və s.)4 ispan şagird heç bir təcrübələri olmadan NASA-nın elan etdiyi yarışmada iştirak edir. Qeyd edim ki, film real həyat hekayəsindən söhbət açır.
No Escape (2015) – İMDB: 6.8Baş rollar ( Lake Bell, Pierce Brosnan, Owen Wilson və s.)Amerikalı bir ailənin yeni köçdükləri ölkədə qarşılaşdıqları qiyamdan qaçış hekayəsindən danışır. Maraqlı və olduqca həyəcanlı filmdir.
Everest (2015) – İMDB: 7.1Baş rollar ( Jake Gyllenhaal, Josh Brolin, John Hawkes, Jason Clarke və s.)Film 1996-cı ildə Everestdə baş verən yaşanmış bir hadisəni canlandırır. Baxmağa dəyər 🙂
My skinny sister (2015) – İMDB: 7.1Baş rollar ( Rebecka Josephson, Amy Diamond, Henrik Norlén və s.)Bəlkə də siz bu filmə baxanda sıxılarsınız, lakin mən sevdim. İki bacının hekayəsini ələ almış bir filmdir.
Still Alice (2014) – İMDB: 7.5Baş rollar ( Julianne Moore, Alec Baldwin, Kristen Stewart və s.)Alice Howland professordur və amneziya xəstəliyinə tutulur. Çox sevmişdim bu filmi…
The Intern (2015) – İMDB: 7.3Baş rollar ( Robert De Niro, Anne Hathaway, Rene Russo və s.)Həyat yoldaşının ölümündən sonra Ben Whittaker yeni bir şirkətdə təcrübəçi olaraq çalışmağa başlayır. Düşünürəm bu filmi hər kəs sevəcək )
Lucia de B. (2014) – İMDB: 7.1Baş rollar ( Marwan Kenzari, Barry Atsma, Amanda Ooms və s.)Cinayətdən ömür boyu həbs cəzasına məhkum edilən tibb bacısı Lucia de Berkin real həyat hekayəsindən danışılır.
Hidden (2014) – İMDB: 6,4Baş rollar ( Alexander Skarsgård, Andrea Riseborough, Emily Alyn Lind və s.)Standart sonluqla bitməyən qorxu filmidir. Mən şəxsən çox sevdim bu filmi. Bunu mütləq qaranlıq otaqda izləyin 🙂
Günel Abduraxman 
Resul üçün bir cavab yazın Cavabı ləğv et